|
KURSSTADANE
VÅRE
Variert villmark på vestlandet
Flatbrehytta på Jostedalsbreen - Brekurs,
Vidaregåande brekurs og Breinstruktørkurs
Ei flottare hytte for brekurs finn ein ikkje. Flatbrehytta ligg høgt
og fritt med utsikt over Fjærland. Flabtreen ligg så nær
at vi kan gå tilbake til hytta for å ete lunsj om vi vil.
Anders Øygard bar materialet til den første hytta opp.
Seinare kom ei ny hytte, der vi bur. Standarden er enkel, men hytta
har 18 sengeplassar, kjøkken og opphaldsrom. Det naturlege turmålet
frå Flatbrehytta er Supphellenipa der ein verkeleg får sjå
kor stor og mangfaldig Jostedalsbreen er.
Smørstabbreen i Jotunheimen - Brekurs
og Fjellsportkurs
Her ligg vi i telt ved eit lite vatn ikkje langt frå Fantesteinen.
Frå teltplassen har vi utsikt til Fannaråken, Hurrungane
og Smørstabbtindane. Dei som vil kan oppgradere til overnatting med full pensjon på Sognefjellshytta.
Det er ca. 5 minutt gange frå Sognefjellsvegen til teltplassen.
Vi ligg i høgfjellet med dei fordelar og ulemper det bringer
med seg: Fineveiret er finare og styggeveiret tøffare enn i
lavlandet.
Til brefallet Bøverbreen, det største brefallet på
Smørstabbreen, treng vi ca. 30 minutt frå teltplassen.
Denne breen er svært godt egna for kurs sidan det er kort ved
å gå til det meste.
Rundt Smørstabbreen ligg det 2000-meters-toppar på rad
og rekke. Vi vil nok gå på Storebjørn eller Kalven
på toppturen.
Hurrungane - Klatrekurs og Fjellsportkurs
Hurrungane har toppar som Store Skagastølstind (Storen - 2405
moh), Austabotntind og Ringstind. Det gjer området til det kanskje
mest kjende og ettertrakta området i landet for klatring i høgfjellet.
På slutten av klatrekurset (og muligens fjellsportkurset) vil
vi bu like ved Turtagrø og dermed ha eit glimrande utgangspunkt
for alle toppane i området.
På dokumentsida finn du detaljert
informasjon om alle kurs og turar.
Vi har også ei oversikt over alle datoar
og prisar
Trykk her
for å melde deg på
|
